ячсячсячс

Алматы қаласы мәслихатының XXXIV сессиясында депутаттар бірқатар әлеуметтік маңызы бар мәселелерді қарады. Негізгі шешімдердің бірі – қаладағы 156 атаусыз көшеге атау беру болды. Оның ішінде 22 көше Ұлы Отан соғысы ардагерлерінің есімін иеленсе, 15 көше «Тарихи тұлғалар» тізіміне енгізілген көрнекті қайраткерлердің атын алады. Олардың қатарында халық жазушылары Мұзафар Әлімбаев, Әбдіжәміл Нұрпейісов, абайтанушы Қайым Мұхамедхановтар бар. Қаламгерлерден бөлек, шешім аясында белгілі түрколог Әбдуәли Қайдар, ғалым Шора Сарыбаев, тіл білімінің көрнекті ғалымы Рәбиға Сыздық, қазақстандық тұңғыш телевизия аниматоры Әмен Қайдаров, суретші Сабыр Мәмбеев, ғалым Карл Байпақов атындағы көшелер пайда болмақ. Ал қалған 118 көше танымдық, тарихи-мәдени және дәстүрлі атауларға ие болады. Бұл ұсыныстар алдын ала мәслихат комиссияларында қаралып, Қоғамдық кеңеспен келісілген және Республикалық ономастикалық комиссияның оң қорытындысын алған.

Қазақстан Жазушылар одағының баспасөз қызметі

Алматы қаласының жеті ауданындағы 156 атаусыз көшеге жаңа атау берілуі мүмкін, деп хабарлайды Egemen.kz.

Қала әкімдігі аталған ұсынысты мәслихаттың қарауына жіберген. Көшелерге ғылым, мәдениет, өнер саласында айрықша еңбек сіңірген танымал тұлғалардың есімдері берілмек.

Атап айтқанда, Әуезов ауданындағы көшелерге белгілі ғалымдар, тіл мамандары — академик Әбдуәли Қайдар мен Рәбиға Сыздықтың есімдері беріледі. Сондай-ақ, осы ауданда әлемдегі тұңғыш балаларға арналған музыкалық театрдың негізін қалаушы Наталья Сацтың есімі де бір көшеге берілмек.

Бостандық ауданындағы бір көшеге 2018 жылы қайғылы жағдайда қаза тапқан әйгілі мәнерлеп сырғанаушы Денис Теннің есімі беріледі. Сонымен қатар, қазақ анимациясының негізін қалаушылардың бірі — Әмен Қайдаровтың есімі де осы ауданның бір көшесіне берілуі жоспарланған.

Алатау ауданында көшелерге абайтануды ғылыми негіздеуші, шәкәрімтанудың негізін қалаушы, текстолог Қайым Мұхамедхановтың, сондай-ақ вьетнам халқының бостандығы жолында күрескен мемлекет қайраткері Хо Ши Миннің есімдерін беру ұсынылған.

Естеріңізге сала кетейік, өткен жылы да Алматы қаласының мәслихаты мегаполистегі бірқатар көшелерді қайта атау туралы ұсынысты қолдаған болатын. Соның нәтижесінде қалада Ермек Серкебаев, Владимир Толоконников, Ескендір Хасанғалиев және Юрий Померанцев сияқты өнер майталмандарының есімдерімен аталған жаңа көшелер пайда болды.

Алматыда көшелердің біріне марқұм мәнерлеп сырғанаушы Денис Теннің аты берілетін болды, деп хабарлайды Azattyq Rýhy.

Алматы қаласы мәслихатының XXXIV сессиясы өтіп, бірқатар әлеуметтік маңызы бар мәселелер талқыланып, қолдау тапты.

Қаланың атаусыз көшелеріне атау беру

Алматыдағы 156 атаусыз көшеге атау беру туралы шешім қабылданды.

Оның ішінде:

1. 22 көше – Ұлы Отан соғысы ардагерлерінің есімімен аталады.
2. 15 көше – тарихи тұлғалардың құрметіне беріледі.

Есімі берілетін көрнекті тұлғалар

Жаңа атауларды иеленетін көшелерге Қазақстан тарихы мен мәдениетінде ерекше орын алған тұлғалардың есімдері берілмек:

1. академик Әбдуәли Қайдар,
2. археолог Карл Байпақов,
3. тарихшы Сайым Балмұқанов,
4. ауыр атлетикадан әлем чемпионы Анатолий Храпатый,
5. олимпиада чемпионы, мәнерлеп сырғанаушы Денис Тен,
6. халық жазушысы Әбдіжәміл Нұрпейісов,
7. ақын-жазушы Мұзафар Әлімбаев,
8. абайтанушы Қайым Мұхамедханов,
9. қазақ мультипликациясының негізін қалаушы Әмен Қайдаров,
10. КСРО халық артисі Наталья Сац.

Қалған 118 көше тарихи-мәдени және дәстүрлі атауларға ие болады. Бұл ұсыныстар мәслихат комиссияларында қаралып, Қоғамдық кеңеспен келісілген және Республикалық ономастикалық комиссиядан оң қорытынды алған.